Зохицуулах зөвлөлийн ээлжит 09 дугаар хуралдаан 2015 оны 09-р сарын 29-ны өдөр болж, дараах асуудлыг хэлэлцэн шийдвэрлэв. Үүнд:
- “Дорнод НАА” ОНӨААТҮГ—н ус хангамж, ариутгах татуургын ашиглалт, засвар, үйлчилгээ эрхлэх тусгай зөвшөөрлийг 3 жилийн хугацаагаар сунгах
- “Төв Чандмань-ДЭХГ” ОНӨААТҮГ-н ус хангамж, ариутгах татуургын ашиглалт, засвар, үйлчилгээ эрхлэх тусгай зөвшөөрлийг 3 жилийн хугацаагаар сунгах
- “Эрин барилга” ХХК-д ус хангамж, ариутгах татуургын ашиглалт, засвар, үйлчилгээ эрхлэх тусгай зөвшөөрлийг олгох, борлуулалтын орлогын шаардагдах хэмжээ, бөөний тариф батлах
- “Даймомент” ХХК-д Хот, суурины ус хангамж, ариутгах татуургын ашиглалтын тухай хуулийн 12 дугаар зүйлийн 12.2.14-т заасан үйлчилгээ эрхлэх тусгай зөвшөөрлийг 3 жилийн хугацаагаар олгох
Хурлаас тусгай зөвшөөрөл сунгасан 2 байгууллагад доорх хугацаатай үүрэг даалгавруудыг өглөө. Үүнд:
а, Дорнод НАА ОНӨААТҮГ-т
- төмөргүйжүүлэх станцаас гарах хаягдал усыг шүүрүүлэх талбайг ажилд оруулах, ус хэмжих тоолуур тавих
- дотоод хэрэглээний усыг зөв хэмжиж, зардалд тооцох, орлого болоогүй усыг нарийвчлан гаргах, 2016 оны төлөвлөгөөнд тусгах
- цэвэрлэх байгууламжийг шинэчлэх хүрээнд бодит хүчин чадал, хэрэгцээ шаардлага, үр ашгийг тооцсон экспертиз судалгаа хийлгэх
- усны зүй бус алдагдлыг бууруулах, айл өрхт тавьсан тоолуурыг гадны нөлөөгөөр зогсоох явдлаас урьдчилан сэргийлэх
- хуучин норм дүрэм стандартыг шинэчлэх
- авлага бууруулах
б, Төв Чандмань ДЭХҮГ-т
- авлага барагдуулах
- айл өрхийн тоолууржуулалтыг нэмэгдүүлэх
- дулаанд хэрэглэж байгаа усыг зардалд тооцож, УХАТ-н үр ашгийг нэмэгдүүлэх
- Цэвэрлэх ил багтаамжит байгууламжийг битүүлэх, таглах шинэ технологийг судлах, нэвтрүүлэх боломжийг хайх
