Монгол Улсын "Хот, суурины ус хангамж, ариутгах татуургын ашиглалтын тухай хууль", "Тогтвортой хөгжлийн үзэл баримтлал-2030", "Төрөөс орон сууц, нийтийн аж ахуйн талаар баримтлах бодлогын баримт бичиг"-ийн хэрэгжилтийг хангах, олон нийтэд сурталчлан таниулахад хамтран ажиллах зорилгоор Хот, суурины ус хангамж, ариутгах татуургын ашиглалт, үйлчилгээг зохицуулах зөвлөлөөс 2020 оны 04 дүгээр сарын 01-ний өдөр Барилга, хот байгуулалтын яамтай "Хамтран ажиллах санамж бичиг"-ийг 3 жилийн хугацаатай байгуулсан билээ.
Үүний дагуу "Хамтран ажиллах санамж бичгийг хэрэгжүүлэх 2022 оны ажлын төлөвлөгөө"-г боловсруулсан бөгөөд 2022 оны 01-р сарын 24-ний өдөр Барилга, хот байгуулалтын сайд Б.Мөнхбаатар, Хот, суурины ус хангамж, ариутгах татуургын ашиглалт, үйлчилгээг зохицуулах зөвлөлийн дарга Ж.Батсуурь нар тус төлөвлөгөөнд гарын үсэг зурж, баталлаа.