Бүгд Найрамдах Чех Улсын Засгийн газрын Ян Масарикын нэрэмжит одонгоор Монгол Улсын иргэн Жамьянсүрэнгийн Батсуурийг шагнасныг Монгол Улсад суугаа Элчин сайд Ийржи Бродский энэ сарын 16-д Ж.Батсуурьт гардуулан өглөө.
Ж.Батсуурь нь 1983 онд Чехословак Улсын Техникийн их сургуулийг Барилгын инженер-эдийн засагч мэргэжилээр төгссөн. Мөн 1998 онд тус улсын Праг хотын Техникийн Их сургуульд докторын зэрэг хамгаалсан байна.
Тэрээр 2008-2016 онд Монгол Улсын Их Хуралд Монгол-Чехийн Парламентийн бүлгийн даргаар, 2016-2017 онд Боловсрол, соёл, шинжлэх ухаан, спортын сайд байхдаа Монгол-Чехийн Засгийн газар хоорондын комиссын Монголын хэсгийн даргаар ажиллаж байжээ.