Зохицуулах зөвлөлийн ээлжит хуралдаан 2016 оны 11 дүгээр сарын 11-ний өдөр болж, тусгай зөвшөөрөл олгох, сунгах болон усны үйлчилгээний тарифыг тогтоох, тусгай зөвшөөөрлийн нөхцөл шаардлага, техникийн нөхцөл олгох журмыг шинэчлэн батлах асуудлуудыг хэлэлцэн шийдвэрлэв. Үүнд:
- Хот суурины ус хангамж, ариутгах татуургын ашиглалтын тухай хуулийн 12-р зүйлд заасны дагуу нийтийн аж ахуйн ажил, үйлчилгээ эрхлэх тусгай зөвшөөрөл авах хүсэлт гаргасан “Хөвсгөл ус суваг” ХХК, “Хаанзаа сервис” ХХК-иудад тусгай зөвшөөрлийг 3-н жилийн хугацаагаар олгов.
- Тусгай зөвшөөрөл сунгуулах хүсэлт гаргасан “СТНАА” ХХК-ийн нийтийн аж ахуйн ажил, үйлчилгээ эрхлэх тусгай зөвшөөрлийг сунгав.
- Тусгай зөвшөөрөл хүчингүй болгуулах хүсэлт гаргасан “Хаанзаа” ХХК, “Хөвсгөл ус чандмань” ОНӨААТҮГ, “Ус суваг нийтийн аж ахуйн компани” ОНӨААТҮГ, “Блүголд” ХХК-иудын нийтийн аж ахуйн ажил, үйлчилгээ эрхлэх тусгай зөвшөөрлийг хүчингүй болголоо.
- “Грийт лакс” ХХК-ийн цэвэр бохир усны тарифт зохицуулалт хийв.
- “Тусгай зөвшөөрлийн нөхцөл шаардлага” болон “Техникийн нөхцөл олгох журам”-ыг шинэчлэн баталлаа.